Paniniwala

Ni: Motonari Mouri

Diyos kung Lucifer, kami po'y tulungan

Sa pamamanatang mas makabuluhan
Gagawing prusisyon walang hahantungan
Kung ang daraanan man ay maging Imperyno.

Pagkat ang pagsamba'y isang karangalan

Kung kapaligira'y na sasang ayunan

Upang maiwasan ang mga negatibong 

Hinala ng iba, sa aming pag samba

Werdong suot, mapangahas na prusisyon

Kilometrong haba'y maipabatid lang

Hindi katoliko ngunit nanlilisik

Matang umaastang mas banal pa sa amin.

Gayon na lang kung mang lait sa mga santo

Bumatay sa libro, sila ang may gawa

Bibbliya ni kristo ayaw nilang sundin

Rilihiyon nga ba o kapit pulitika

Balot ang buong wangis sa bawat hakbang

Iiwang bakas ay pag-asa't unawa;

Kaya tinatahak kahit maghinala

Dahil pag unawa na hanap ay lunas.

Dasal at pag-hiling sa mundong madilim

Mahigpit na ritual ay ang pananalig;

Kaluluwa at ala'y handang ibuwis,

Nang paulit-ulit sa daang malawak.

Ang relihiyon daw ay opyo ng masa

Upang makalimot sa taglay na hirap

Di baleng mahilo, magsugat ang paa

Basta makamit lang ang aming pangarap

Ugat ng pagsamba ng aming ninuno

Mga espirito na naging anito

Anuman ang anyo, lilok na rebulto

Wangis ng demonyo, may mabuting puso

Judas man ang tawag, poong Lucifer

Ang husga'y sa gawa at asal ng tao

Kung hindi man tanggap, nawa'y irespeto

Amin relihiyon na niluwal sa mundo.